काठमाडौँ – शुक्रबार राति सुनसरीमा भ्यानले ठक्कर दिँदा एक पैदलयात्रुको मृत्यु भएको छ।
पूर्वपश्चिम राजमार्गस्थित सुनसरीको इटहरी–१६ बालग्राममा भ्यानले ठक्कर दिँदा एक पुरुष पैदलयात्रुको मृत्यु भएको हो। ठक्कर पछि ज्यान गुमाएका पुरुषको पहिचान खुल्न सकेको छैन।
अन्दाजी ४० वर्षका ती पुरुषलाई इटहरीबाट इनरुवा जाँदै गरेको को १ ज ३६६० नम्बरको भ्यानले शुक्रबार राति ठक्कर दिएको इलाका प्रहरी कार्यालय पकलीले जनाएको छ।
प्रहरीका अनुसार ठक्कर पछि उनको घटनास्थलमै ज्यान गएको हो। तिब्र गतिमा रहेको हुँदा नियन्त्रण गुमाएपछि भ्यानले पैदलयात्रुलाई ठक्कर दिएको प्रहरीको भनाइ छ।
ठक्कर दिने भ्यान र चालक बराहक्षेत्र नगरपालिका–२ चतराका २५ वर्षीयको रवीन दुलाललाई प्रहरी नियन्त्रणमा लिएको छ। पक्राउ परेका माथि अनुसन्धान शुरु भैसकेको छ।
सनाखत हुन नसकेका ती पुरुषको शव हाल सुनसरी जिल्ला अस्पताल इनरुवामा राखिएको छ।
