काठमाडौँ : भक्तपुरको मध्यपुरथिमि नगरपालिका–३ गठ्ठाघर आकाशे पुलमुिन चारवटा यात्रुबाहक बस ठोक्किएका छन् ।
काठमाडौँबाट सिन्धुली तर्फ जाँदै गरेको बा ४ ख ५७९४ नं को बस आफै अनियन्त्रित भई सोही दिशा तर्फ जाँदै गरेको बा ३ ख ७०९३, बा ५ ख ४०२९ र ना ६ ख ७१८५ नं को तीनवटा बस जुध्न पुगेको हो ।
उक्त दुर्घटनामा घाइते भएका १६ जना मध्ये १३ जनालाई उपचारका लागि नागरिक अस्पताल र ३ जनालाई मध्यपुर अस्पतालमा लगिएको महानगरीय प्रहरी परिसर भक्तपुरका सूचना अधिकृत डीएसपी रेवतीरमण पोखरेलले जानकारी दिए ।
तिनवटै बसलाई ठक्कर दिने बसका चालक सिन्धुली गोलानचोर गाउँपालिका ६ घर भई काठमाडौं ताहचल बस्ने दीपकराज ठकुरीसहित अन्य सबै सवारी साधन र् चालकलाई नियन्त्रणमा लिएर अनुसन्धान अघि बढाइएको छ ।
घाइते सबैको अवस्था सामान्य रहेको अस्पतालले जनाएको छ ।
