काठमाडौँ – समाजवादी पार्टीका संघीय परिषद अध्यक्ष डा. बाबुराम भट्टराईले नेपाल कम्युनिष्ट पार्टी(नेकपा)का अध्यक्ष पुष्पकमल दाहाल प्रचण्ड छट्पटाइरहेको बताएका छन्।
बिहिबार एक ट्वीट गर्दै भट्टराईले प्रचण्ड नेकपाका अर्का अध्यक्ष तथा प्रधानमन्त्री केपी शर्मा ओलीको पिंजडामा फसेर छट्पटाइरहेको भन्दै व्यंग्य गरेका हुन्।
समाजवादी पार्टीका नेता तथा कार्यकर्तालाई नेकपामा प्रवेश गराउने क्रममा बुधबार प्रचण्डले समाजवादी पार्टीका उपेन्द्र यादव र बाबुराम भट्टराईलाई नेकपा प्रवेश गर्न आग्रह गरेको थिए। यहि विषयलाई व्यंग्यगर्दै भट्टराईले प्रचण्ड ओलीको पिंजडामा फसेर छट्पटाइरहेको बताएका हुन्।
प्रचण्डले आफूहरुलाई नेकपासँग एकीकरण गर्न आग्रह गर्नु ‘आफैं त महादेव उत्तानो टाँग;कस्लाई दिने वर।।।।।।?’ भनेझैं हुन जाने भट्टराईको बुझाई छ।
“पंचतन्त्रको ‘कंकड़ लुब्ध पान्थ कथा’ मा शिकार गर्न नसक्ने बुढो बाघले हातमा सुनको बाला लिएर वटुवाको शिकार गरेझैं आफैं खड्गप्रसादको पिंजडामा फसेर छट्पटाइरहेका पुष्पकमलले हामीलाई पनि पिंजडामा आउन आग्रह गरेछन्!आफैं त महादेव उत्तानो टाँग;कस्लाई दिने वर……? ‘,भट्टराईले सामाजिक संजाल ट्वीटरमा लेखेका छन्।
पंचतन्त्रको ‘कंकड़ लुब्ध पान्थ कथा’ मा शिकार गर्न नसक्ने बुढो बाघले हातमा सुनको बाला लिएर वटुवाको शिकार गरेझैं आफैं खड्गप्रसादको पिंजडामा फसेर छट्पटाइरहेका पुष्पकमलले हामीलाई पनि पिंजडामा आउन आग्रह गरेछन्!आफैं त महादेव उत्तानो टाँग;कस्लाई दिने वर……?
— Baburam Bhattarai (@brb1954) January 23, 2020
यो पनि पढ्नुहोस्
“जाडोमा माईतीघरमा उफ्रिएर केही हुँदैन्, चिसो खाँदै माईतीघरमा नकुर्लिनुस्” – प्रचण्ड
