काठमाडौँ, माघ १३ । निकै उतार चढावका बीच कारोबार हुँदै आएको सुनको मूल्यमा आज पनि बढेको छ । नेपाल सुनचाँदी व्यवसायी महासङ्घका अनुसार आज सुनको मूल्य तोलामा ५ सय रुपैयाले बढेको छ ।
महासङ्घले आज छापावाला सुनको मूल्य प्रतितोला ७६ हजार र तेजाबी सुनको मूल्य प्रतितोला ७५ हजार ७ सय रुपैया तोकेको छ ।
आइतबार छापावाला सुन प्रतितोला ७५ हजार ५ सय र तेजाबी सुन प्रतितोला ७५ हजार २ सय रुपैयामा खरिद बिक्री भएको थियो ।
गत बधुबार नेपाली बजारमा सुनको मूल्य अहिलेसम्मकै उच्च बिन्दुमा पुगेको थियो । सो दिन छापावाला सुनको मूल्य प्रतितोला ७६ हजार ५०० र तेजाबी सुनको मूल्य प्रतितोला ७६ हजार २ सय पुगेको थियो ।
सुनको मूल्य बढेसँगै चाँदीको मूल्य पनि तोलामा १५ रुपैयाले बढेको छ।
आज चाँदीको मूल्य प्रतितोला९ सय रुपैयामा खरिद बिक्री भइरहेको महासङ्घले जनाएको छ ।
