काठमाडौँ, माघ १३ । अस्ट्रेलियामका एक महिलाले प्रतियोगिता जित्नका एकैचोटि धेरै केक मुखमा कोच्दा उनको ज्यान गएको छ ।
आइतबार अर्थात् जनवरी २६ मा अस्ट्रेलियाको हार्वी बेस्थित बीच हाउस होटलमा प्रतियोगिता जित्ने चक्करमा ६० वर्षीय एक महिलाको निधन भएको छ । प्रत्यक्षदर्शीहरूका अनुसार ति महिलाले एकैपटक धेरै केक मुखमा हालेकी थिइन् । त्यसपछि उनि सास फेर्न गार्हो भएर भुईमा लडिन् । र लगतै उनलाई एम्बुलेन्स बोलाएर हर्वे बे अस्पताल लगियो । तर उनलाईबचाउन भने सकिएन ।
अस्ट्रेलियाका थुप्रै होटेलले त्यहा आएका युरोपेलीहरूको यादमा यस्तो पर्तियोगिता गर्दै आइरहेको छ । यस प्रतियोगितामा सबैभन्दा धेरै खानेले पुरस्कार पाउछन् । साथै अस्ट्रेलियाको क्वीन्सल्यान्डमा धेरै खाना खाने प्रतियोगिता निकै चर्चित पनि छ ।
धान खरिद बन्द गरेपछि किसान निराश
नेपाल सरकारको स्वामित्वमा रहेको खाद्य व्यवस्था तथा व्यापार कम्पनी लिमिटेड शाखा कार्यालय वीरगञ्जले धान खरिद गर्न बन्द गरेपछि किसान निराश भएका छन् ।
कार्यालयले एक सूचना प्रकाशित गरी माघ १० गतेदेखि धान खरिद गर्न बन्द गरेपछि धान बेच्न आउने किसान निराश भई घर फर्किन बाध्य भएका हुन् ।
एकाबिहानै ट्र्याक्टरमा धान लिएर वीरगञ्जको मुर्लीस्थित कम्पनीको शाखा कार्यालयमा पुग्दा धान खरिद गर्न बन्द गरेको थाहापाएपछि निराश भई घर फर्केका वीरगञ्ज महानगरपालिका–२४ रामगढवा किसान विजय पण्डितले भन्नुभयो, “कार्यालयले एकाएक धान खरिद गर्न बन्द गरेपछि हामीले सस्तो दरमा निजीस्तरका गल्ला व्यापारीलाई बेच्नुपर्ने बाध्यता आइपुगेको छ ।”
अचानक सो सूचना प्रकाशित गरी धान खरिद स्थगित गरे पनि अहिले पनि सो कार्यालयमा दैनिक तीनदेखि ६ सय क्विन्टल धान बिक्री गर्न किसान आउने गरेको छ । तर धान खरिदको काम बन्द भएपछि किसान निराश भई घर फर्किन बाध्य भएको सो कार्यालयका वरिष्ठ सहायक मुनिलाल कुशवाहाले राससलाई बताउनुभयो ।
जिरा मन्सुली पाँच हजार क्विन्टल तथा सोना मन्सुली २० हजार क्विन्टल गरी कूल २५ हजार क्विन्टल धान खरिद गर्ने लक्ष्य राखेकामा कार्यालयले जिरा मन्सुली ३२ क्विन्टल २५० केजी तथा सोना मन्सुली १९ हजार ९९९ क्विन्टल २० केजी खरिद गरिसकेको छ । निजी गल्ला व्यापारीले जीरा मसिनो धानप्रति क्विन्टल तीन हजार २० रुपैयाँमा खरिद गर्ने गरेको छ भने कार्यालयले सो धान प्रतिक्विन्टल तीन हजार एक सयमा खरिद गर्ने गरेको छ ।
