काठमाडौँ, माघ १५ । निकै उतार चढावका बीच कारोबार हुँदै आएको सुनको मूल्य मंगलबार स्थिर रहेको थियो। तर आज बुधबार भने सुनको मुल्य तोलामा ४ सय रुपैयाले घटेको छ ।
नेपाल सुनचाँदी व्यवसायी महासङ्घका अनुसार आज छापावाला सुनको मूल्य प्रतितोला ७५ हजार ६ सय र तेजाबी सुनको मूल्य प्रतितोला ७५ हजार ३ सय रुपैया तोकेको छ ।
मंगलबार छापावाला सुन प्रतितोला ७६ हजार र तेजाबी सुन प्रतितोला ७५ हजार ७ सय रुपैयामा खरिद बिक्री भएको थियो ।
गत बधुबार नेपाली बजारमा सुनको मूल्य अहिलेसम्मकै उच्च बिन्दुमा पुगेको थियो । सो दिन छापावाला सुनको मूल्य प्रतितोला ७६ हजार ५०० र तेजाबी सुनको मूल्य प्रतितोला ७६ हजार २ सय पुगेको थियो ।
सुनको मूल्य घटेसँगै चाँदीको मूल्य पनि तोलामा २५ रुपैयाले घटेको छ।
आज चाँदीको मूल्य प्रतितोला ८ सय ७० रुपैयामा खरिद बिक्री भइरहेको महासङ्घले जनाएको छ ।
