काठमाडौँ, माघ १५ । हाँस्यकलाकार सिताराम कट्टेल (धुर्मुस) र कुन्जना घिमिरे (सुन्तली) को निर्माण र अभिनय रहेको चलचित्र ‘सेन्टी भाइरस’ को ट्रेलर बुधबार सार्वजनिक भएको छ ।
यस फिल्ममा समावेश ‘फनफनी’ बोल रहेको पहिलो गितको भिडियो केहि साता अगाडी सार्वजनिक भएको थियो। उक्त गितमा चर्चित मोडल अन्जली अधिकारी, दयाहाङ राई, सिताराम कट्टेल, कुन्जना घिमिरे, विल्सन विक्रम राई, बुद्दि तामाङ, राजाराम पौडेल लगायत फिचर छन् । डिपी खनालको शब्द तथा शंकर थापाको संगीत रहेको यस गीतमा कालीप्रसाद बास्कोटा र मेलिना राईको मिठो स्वर रहेको छ ।
फागुन ९ गते प्रदर्शनको तयारीमा रहेको यस चलचित्रलाई रामबाबु गुरुङको निर्देशन रहनेछ। धुर्मुस-सुन्तलीको होम प्रोडक्सन सुबिहानी फिल्मस् प्रा.लिको ब्यानरमा निर्माण भएको यस फिल्मलाई डिन्डु लामा ह्योल्मोले गरेकी हुन् ।फिल्मको सह-निर्मातामा फूर्पा लामा रहेका छन् । फिल्म ‘सेन्टी भाइरस’ मा राजनराज शिवाकोटी र कालीप्रसाद बाँस्कोटाको संगीत छ ।
