काठमाडौं – राष्ट्रिय क्रिकेट टोलीका तीब्र गतिका बलिङ अलराउन्डर सोमपाल कामी विवाह बन्धनमा बाँधिएका छन् । सोमपाल कामीले प्रतिभा घिमिरेसँग पशुपतिमा लगनगाँठो कसेका हुन् ।
सोमपाल र प्रतिभाले चारवर्ष देखीको प्रेम सम्बन्धलाई बिहीबार विवाह बन्धनमा परिणत गरेका छन् । सोमपाल र प्रतिभा २०१५ देखी प्रेम सम्बन्धमा रहँदै आएका थिए । सोमपाल २०१५ को धनगढीमा भएको एसपिएकप खेल्नेक्रममा उनीसँग प्रम सम्बन्ध अघि बढेको थियो ।
सोमपाल चोटका माघ २२ देखी २९ सम्म कीर्तिपुर क्रिकेट मैदानमा ओमान र अमेरिकासँग हुने त्रिकोणात्मक सिरिजको लागि टोलीमा छैनन् । सोमपालको स्थानमा युवा तीब्र गतिका बलर कमलसिंह ऐरीलाई मौका दिइएको छ ।
राष्ट्रिय क्रिकेट टोलीका कप्तान ज्ञानेन्द्र मल्लले सोमपाल टोलीमा नहुँदा केहि असर पर्न सक्ने बताएका छन् । यस पटक सोमपाल कामी एभरेष्ट प्रिमियर लिग(इपिएल) चितवन टाइगर्सबाट खेल्ने छन् । काठमाडौं किंग्स-११ ले सोमपाललाई बेच्दै चितवन टाइगर्सका दीपेन्द्र सिंह ऐरीलाई टोलीमा भित्र्याएको छ ।
