काठमाडौँ, माघ १८ । अभिनेत्री प्रियंका कार्की र अभिनेता आयुष्मान देशराज जोशीको बिहे मिति तोकिएको केहि दिनमै अभिनेत्री आँचल शर्माको पनि विवाह मिति तोकिएको छ। बुझिएअनुसार उनि आगामी फागुन २५ देखी २७ गतेको बिचमा विवाह बन्धनमा बाधिनेछिन्। उनले डाक्टर उदिप श्रेष्ठसंग विवाह गर्न लागेकी हुन् । साथै आचलले शुक्रबार आफ्नो परिवारसंग केक काटेर ‘ब्राइड टु बि’ सेलिब्रेशन गरेकी छिन्।
केहि महिना अगाडी अभिनेत्री आचल शर्माको नाम डाक्टर उदिप श्रेष्ठसंग जोडिएर समाचार आएको थियो । अभिनेत्री आचलले उदिप श्रेष्ठसंगको प्रेमबारे खुलेर बोलेकी पनि थिइनन् । तर अहिले आचल र उदिपको प्रेम खुल्ला किताब जस्तै बनेको छ ।
पछिल्लो समय सामाजिक संजाल इन्स्टाग्राममा उदिप र आचलको एकसाथ खिचिएको तस्विर निकै शेयर हुने गर्छ। दुवै जनाले आफ्नो इन्स्टाग्राम मार्फत फोटो शेयर गर्दै एक-अर्कालाई प्रेम दर्शाउछन् । इन्स्टाग्राम स्टोरीअनुसार आचल र उदिपको पहिलो भेट २०१८ अक्टुबर ३१ मा भएको थियो । यी दुइले आफ्नो प्रेमको पहिलो बर्षगांठ समेत मनाएका थिए ।
