काठमाडौँ, माघ २० । चलचित्र ‘चपली हाइट ३’ को एक गितसंगै फिल्मको सम्पूर्ण छायांकन सकिएको छ । यस फिल्ममा समाबेश ‘चारानाको मसला’ बोल रहेको गित सोमबार सार्वजनिक भएको छ।
यस भिडियो काठमाण्डौको ठमेलमा अवस्थित एक क्लबमा छायांकन गरिएको हो । गीतमा सुवाष भुषालको संगीत तथा अस्मिता अधिकारी र राज खम्बुको स्वर रहेको छ। चलचित्र ‘चपली हाइट ३’ को यस गीतको भिडियोमा फिल्मका मुख्य कलाकारहरु स्वस्तिमा खड्का, सुपुष्पा भट्ट, आमिर गौतम र महेश त्रिपाठीको अभिनय रहेको छ । भिडियोमा अभिनेत्री स्वस्तिमा खड्का र सुपुष्पा भट्ट बो’ल्ड अवतारमा देखिएका छन् ।
यस गीतको भिडियोलाई प्रदिप लामाको कोरियोग्राफी गरेका छन् । साथै भिडियोलाई पुरुषोत्तम प्रधानले खिचेका छन् । यस फिल्ममा स्वस्तिमा खड्का, सुपुष्पा भट्ट, आमिर गौतम र महेश त्रिपाठी सहित प्रतिक मान श्रेष्ठ, अर्पण थापा, दिपाश्री निरौला, लक्ष्मी बर्देवा लगायतका कलाकारको अभिनय रहनेछ।
अर्जुन कुमारको लगानीमा बनेको यो चलचित्र चैत्र २८ गतेबाट रिलिज हुदैछ । यस चलचित्रलाई निकेश खड्काले निर्देशन गरेका छन् ।
