माघ २० । कोरोनाभाइरस महामारीको केन्द्रबिन्दु चीनको वुहान सहरका मानिसहरु अहिले पूर्ण रुपले त्रसित छन्। वुहान सहरको सडकमा अहिले एम्बुलेन्स बाहेक कुनै सवारीसाधन चल्दैन। साथै वुहान सहरका १ करोडभन्दा बढी मानिसहरु घरबाट बाहिर निस्किएका छैनन्। तर यस्तो महामारी फैलिएको बेला पनि उनीहरुको आत्मबल घटेको छैन ।
हाल सामाजिक संजालमा एक भिडियो सार्वजनिक भएको छ, जसमा वुहानवासीहरूले आफु बस्ने अग्ला भवनहरुका झ्यालबाट एकताको स्वरमा गित गाएका छन् ।
यसरी गित गाएर उनीहरुले आफ्नो आत्मबल बढाएका छन्। केहि स्थानका मानिसहरुले भने देशभक्तिपूर्ण भावका गित गाएका छन् । उनीहरुले एक-अर्कालाई बलियो रहन आग्रह गर्दैछन्।
