काठमाडौँ – बिगुल न्युजकर्मी सरोज दाहाल नवउदयीमान पत्रकारको रुपमा सम्मानित भएका छन्।
विश्वकै पहिलो पर्यावरणीय रेडियो रेडियो पर्यावरण १०४ थोप्लो २ मेगाहर्जको १६औं वार्षिकोत्सवका अवसरमा आयोजित कार्यक्रमका बीच दाहाल सम्मानित भएका हुन्। पर्यावरणीय पत्रकारितामा उल्लेखनीय योगदान पुर्याएवापत दाहाललाई अवार्ड सहित सम्मान गरिएको हो।
कार्यक्रममा विभिन्न क्षेत्रमा योगदान पुर्याएका व्यक्तित्व तथा कलाकारहरुलाई सम्मानित गरिएको थियो। नेकपाका वरिष्ठ नेता तथा पूर्वप्रधानमन्त्री माधव कुमार नेपालले सम्मानित व्यक्तिहरुलाई अवार्ड वितरण गरे।
यसै बीच रेडियो पर्यावरणको १६औं वार्षिकोत्सवकै दिन पारेर पर्यावरण टेलिभिजनको समेत औपचारिक उद्घाटन गरिएको छ। कार्यक्रममा वरिष्ट संस्कृतिविद् सत्यमोहन जोशी, नेकपाका प्रवक्ता नारायणकाजि श्रेष्ठ, गोदावरी नगपालिका प्रमुख गजेन्द्र महर्जन, ललितपुरका प्रदेशसभा सदस्यहरु सहित अन्य विशिष्ट व्यक्तितवहरुको उपस्थिति थियो।
