एजेन्सी – सामाजिक संजालमा एक भेडाको तस्विर धेरै नै भाइरल भएको छ। ब्रा लगाएको एक भेडाको तस्विर सामाजिक संजालमा चर्चाको विषय बनेको हो।
बताइएअनुसार, Franklin Vets Lifestyle Farms ले तस्विर सामाजिक संजालमा अपलोड गरेको थियो। भेडाले ब्रा लगाएको अजिव दृश्यले धेरैको ध्यान तान्यो, जसकारण तस्विर सामाजिक संजालमा भाइरल नै भयो।
तस्विर अपलोड गर्ने उक्त फार्मले एक क्याप्सन पनि राखेको छ। जसमा भेडालाई ब्रा लगाइदिनुको कारण खुलाएको छ। उसका अनुसार भेडालाई ब्रा वाध्यतावस लगाइएको हो।
उक्त भेडा गर्भवती रहेको र गर्भमा तीन सन्तानका कारण भेडाको सस्पेन्सी लिगामेन्टमा चोट लागेको बताइएको छ। भारी थुन झोल्लिएर जमिनमा छोएको कारण ब्रा लगाएर सुरक्षा गरिएको पनि फार्मले सामाजिक संजाल मार्फतनै जानकारी गराएको छ। भारी थुन जमिनमा छुँदा अन्य चोट समेत लाग्ने र भेडाको ज्यान समेत जान सक्ने भएका कारण ब्रा लगाइएको फार्मले स्पष्ट पारेको छ।
फार्मले जानकारी गराएअनुसार भेडाले तीन बच्चा पनि जन्माइसकेको छ। भेडाको थुनमा समस्या रहेको हुँदा तीनै छतौरो(भेडाको बच्चा)लाई बोतल मार्फत दुध पिलाइने गरेको फार्मको भनाई छ।
भेडाको झोल्लिएको थुन सामान्य अवस्थामा नआए शल्यक्रिया गरिने पनि फार्मले सामाजिक संजाल मार्फतनै जानकारी गराएको छ।
