जाडोमा छालाले छिट्टै ओसिलोपन गुमाउछ जसकारण खुट्टा फुट्ने समस्या हुन्छ । यदि तपाईलाई जाडोमा यस प्रकारको समस्या छ भने आज हामी तपाईलाई बताउछौ कि कसरी छालालाई मुलायम र नरम बनाउन सकिन्छ । फुटेको ठाउँ अरु ठाउँ भन्दा कडा र रुखो हुन्छ । जब तपाई हिड्नुहुन्छ तब खुट्टामा बढी बल पर्छ, जसले गर्दा छाला छिट्टै फाट्न थाल्छ ।
खुट्टा फुट्नबाट बच्नको लागि मनतातो पानिमा खुट्टालाई भिजाउनुहोस्, त्यसपछि मुलायम बनाउनको लागि क्रिम अर्थात् मोस्चराइजर लगाउनुहोस् ।
हिल बाम प्रयोग गर्नुहोस्:
फुटेको खुट्टाको ख्याल राख्न र यसबाट छुटकारा पाउनको लागि हील बामको प्रयोग गर्नुहोस्। यस बाममा यस्तो तत्व रहेको हुन्छ जसले मृत त्वचालाई निकाल्छ र छालालाई नरम बनाउछ । साथै तपाईले बिहान उठेर हिल बाम लगाएर मोजा लगाउदा पनि हुन्छ । यसलाई दिनको दुई तीन पटक लगाउनुहोला ।
नरिवल तेल प्रयोग गर्न सकिन्छ:
नरियलको तेल रुखो त्वचा, एक्जीमाको लागि निकै राम्रो हुन्छ । यसको प्रयोग गर्नाले छाला नरम हुन्छ। कुर्कुच्चा भिजाएर मृत त्वचा निकालेपछि कुर्कुच्चामा नरियलको तेल लगाउनुहोस् । यदि तपाईको फुटेको कुर्कुच्चाबाट रगत आउँछ भने नरिवलको तेलमा इन्फ्लेमेशन कम गर्ने गुण र एन्टिमिक्रोबायल गुण पनि पाईन्छ ।
