काठमाडौँ – रुपन्देहीमा भएको सवारी दुर्घटनामा परी एक युवकको ज्यान गएको छ। रुपन्देहीको सैनामैना २ कालिकाचोकमा मोटरसाइकल दुर्घटना हुँदा शुक्रबार एक युवकको ज्यान गएको हो।
ज्यान गुमाउनेमा रोल्पा नगरपालिका– ३ खुमलेका २५ वर्षीय ताराप्रसाद केसी रहेका छन्। टिपरलाई उछिन्न खोज्दा मोटरसाइकल अनियन्त्रित भई दुर्घटना हुँदा उनको ज्यान गएको बताइएको छ।
प्रहरीका अनुसार लु २ ख ३७९८ नं को टिपरलाई उछिन्न छोज्दा केसी सवार लु २६ प ८१८० नम्बरको मोटरसाइकल अनियन्त्रित भएर पल्टिएको थियो।
दुर्घटना पश्चात उनलाई लुम्बिनी प्रादेशिक अस्पताल बुटवल पुर्याइएको र उनको उपचारको क्रममा ज्यान गएको जिल्ला प्रहरी कार्यालय रुपन्देहीले जनाएको छ।
दुर्घटना लगतै प्रहरीले टिपर र चालकलाई नियन्त्रणमा लिएको छ। टिपर र चालक इलाका प्रहरी कार्यालय मुर्गियाको नियन्त्रणमा छन्।
