काठमाडौँ – बाँकेमा भएको एक सडक दुर्घटनामा परी गएराति एक जनाको ज्यान गएको छ। नेपालगञ्ज सुर्खेत जोड्ने रत्नराजमार्गको देउराली नजिकै बस र जीप एकआपसमा ठोक्किँदा गएराति एकको ज्यान गएको हो।
ज्यान गुमाउनेमा राजकुमार चौधरी रहेका छन्। चौधरी भे १ च १६३१ नम्बरको जीपका चालक थिए। जीप कोहलपुरबाट बर्दियाको बबईतर्फ जाँदै गरेको बताइएको छ।
कोहलपुरबाट बर्दियाको बबईतर्फ जाँदै गरेको भे १ च १६३१ नम्बरको जीपलाई सुर्खेतबाट आउँदै गरेको भे १ ख २७५९ नम्बरको बसले ठक्कर दिँदा जीप चालक राजकुमार चौधरीको ज्यान गएको प्रहरीले जनाएको छ।
जिल्ला ट्राफिक प्रहरी कार्यालय बाँकेका प्रमुख प्रहरी निरीक्षक पविन्द्रकुमार बमले दुर्घटनामा गम्भीर घाइते बाँके बैजनाथ गाउँपालिका–२ निवासी चौधरीको शिक्षण अस्पताल कोहलपुरमा उपचार गर्ने क्रममा ज्यान गएको जानकारी दिए ।
दुर्घटनामा जीपका सहचालक मनोज चौधरी सहित अन्य छ जना सामान्य घाइते भएका छन् ।
