काठमाडौँ, माघ २८ । पोर्चुगलमा क्रियाशील पत्रकार एनआरएनका वरिष्ठ उपाध्यक्षबाट कुटिएका छन् । गैरआवासीय नेपाली संघ पोर्चुगलका उपाध्यक्ष भीमसेन थापाले पत्रकार सविन घिताल माथि आइतबार कुटपिट साँझ गरेका हुन् ।
प्रत्यक्षदर्शीको अनुसार थापाले पत्रकार घिताललाई ‘म को हो चिन्दैनस’ भन्दै फिल्ममा देखाइने दृश्यमा जस्तो उडेर, घुमेर लात्ती प्रहार गरेका थिए । यस घटनालाई नजिकैबाट नियालेका एक व्यक्तीले भनेका छन्, ‘थापाले पाखुरी सुर्काउँदै पत्रकार कुट्न थाले, हामी त हेरेको हेर्यै भयौं ।’ साथै थापाले धिताललाई समाचार लेखे दुवै हात का’टिदिने ध’म्की समेत दिएको प्रत्यक्षदर्शीले जनाएका छन् ।
एनआरएनकै नेताले पत्रकार कुट्न लागेपछि विदेशमा रहेका सामान्य कामदारहरुले चिन्ता प्रकट गरेका छन्। एक कन्सर्टको रिपोर्टिङ गर्न पुगेका पत्रकार घिताललाई थापाले कुटपिट गरेका थिए । धिताल पोर्चुगलमा रहेका पत्रकारको संस्था नेप्लिज जर्नालिस्ट क्लब र ‘भ्वाइस अफ नेपाल टीभी’ मा आवद्ध रहेका छन् ।
पीडित धितालले प्रहरीसमक्ष उजुरी दिईसकेका छन् । स्थानीय प्रहरीले थापालाई मंगलबार साँझ नियन्त्रणमा लिने तयारी गरेको जनाइएको छ ।
