काठमाडौँ – सत्तारूढ नेपाल कम्युनिष्ट पार्टी नेकपाका अध्यक्ष पुष्पकमल दाहाल प्रचण्डले पार्टीका अर्का अध्यक्ष तथा प्रधानमन्त्री केपी शर्मा ओलीलाई भेटेका छन्।
प्रधानमन्त्री निवास बालुवाटारमै पुगेर प्रचण्डले प्रधानमन्त्री केपी शर्मा ओलीलाई भेटेका हुन्। पुष्पकमल दाहाल ‘प्रचण्ड’ले शनिबार बिहान बालुवाटार पुगी प्रधानमन्त्री ओलीको स्वास्थ्यस्थिति बारे जानकारी लिएको प्रचण्डको निजि सचिवालयले जनाएको छ।
प्रचण्डले प्रधानमन्त्रीलाई मिर्गौलाको प्रत्यारोपण सफलतापूर्वक सम्पन्न भएकोमा बधाई दिएको बताइएको छ। प्रचण्डको निजि सचिवालयका अनुसार उनले प्रधानमन्त्री ओलीको शीघ्र स्वास्थ्यलाभको कामना समेत गरेका थिए।
भेटको क्रममा प्रचण्डले ओलीलाई देशको समसामयिक राजनीतिक गतिविधिका बारेमा पनि प्रधानमन्त्री ओलीलाई जानकारी गराएका थिए।
“नेपाल कम्युनिष्ट पार्टी (नेकपा) का अध्यक्ष एवम् पूर्वप्रधानमन्त्री पुष्पकमल दाहाल ‘प्रचण्ड’ले आज बिहान बालुवाटार पुगी प्रधानमन्त्री एवम् अध्यक्ष केपी शर्मा ओलीको स्वास्थ्यस्थिति बारे जानकारी लिनुभएको छ । सो क्रममा अध्यक्ष प्रचण्डले मिर्गौलाको प्रत्यारोपण सफलतापूर्वक सम्पन्न भएकोमा बधाई दिनुभयो । अध्यक्ष प्रचण्डले प्रधानमन्त्री ओलीको शीघ्र स्वास्थ्यलाभको कामना गर्नु भएको थियो । उहाँले समसामयिक राजनीतिक गतिविधिका बारेमा पनि प्रधानमन्त्री ओलीलाई जानकारी गराउनुभएको थियो ।”,प्रचण्ड र ओली बीचको भेट बारे प्रचण्डको निजि सचिवालयले फेसबुकमा लेखेको छ।
