काठमाडौँ – नेपालमा थप तीन जनामा कोरोना भाइरसको सक्रमण देखिएको छ।
वीरगञ्जमा उपचाररत तीन जनामा कोरोना भाइरसको संक्रमण देखिएको हो। कोरोना भाइरस संक्रमणको आशंकामा अस्पतालमा उपचार गराइरहेका तीन जनामा कोरोनाको पुष्टि भएको हो।
संक्रमण देखिने तीनै जना भारतीय नागरिक रहका छन् भने उनीहरु धर्मगुरु रहेको बताइएको छ। तीन जना मध्ये २ जना उत्तर प्रदेशका र एक जना दिल्लीका रहेका छन्। स्वास्थ्य मन्त्रालय श्रोतका अनुसार आइतबार देखिएको संक्रमण बारे आइतबार एक पत्रकारसम्मेलन गरी जानकारी गराइनेछ।
हेटौंडामा परीक्षण गरिएको तीन वटा नमुनामा पोजेटिभ देखिएपछि थप परीक्षणका लागि राष्ट्रिय जनस्वास्थ्य प्रयोगशाला पठाइएकोमा रिपोर्ट पोजेटिभ आएसंगै तीन जनामा कोरोनाको आइतबार पुष्टि भएको स्वास्थ्य मन्त्राय श्रोतले जनाएको छ।
यससंगै नेपालमा कोरोना भाइरस संक्रमितको संख्या १२ पुगेका छन्। नेपालमा भेटिएका संक्रमित मध्ये १ जना निको भएर घर फर्किसकेका छन् भने केहि निको हुने क्रममा छन्।
