काठमाडौँ – विश्वकै चर्चित गायन रियालिटी शो ‘अमेरिकन आइडल’मा छानिने पहिलो नेपालीको रुपमा रहेका दिवेश पोखरेलको चर्चा अहिले विश्वभर छ।
अडिसनकै क्रममा उत्कृष्ट प्रस्तुति दिएर उनले जजहरुलाई चकित बनाएका उनी अहिले अमेरिकन आइडलको उत्कृष्ट २० मा पुगेका मुगीसकेका छन्। उत्कृष्ट २० मा पुगिसकेका उनलाई अगाडी बढाउन अब मतको आवश्यकता पर्ने भएको छ।
पोखरेलले सामाजिक संजाल मार्फत आफूलाई भोट गरिदिन सबैमा आग्रह गरेका छन्। कोरोना भाइरसका कारण सबै प्रतिस्पर्धीले घर–घरबाटै दिएको प्रस्तुति अमेरिकी टेलिभिजन च्यानल एबिसीबाट प्रसारण भएपछि उनले सामाजिक संजाल मार्फत भोट गर्न आग्रह गएका हुन्। उनलाई अब एसएमए, एविसीकाे एप डाउनलोड गरेर वा एविसीकाे वेभसाइटबाट भाेट गर्न सकिनेछ।
अमेरिकी च्यानल एबिसीबाट प्रसारण हुने ‘अमेरिकन आइडल’ छानिएका दिवेशको स्टेज नेम आर्थर गन हो । दिवेशले आर्थर गनको उपनामबाट स्टेजमा गाउँदै आएका छन् ।
