काठमाडौँ, बैशाख १६ । चलचित्र ‘होस्टल’ मार्फत नेपाली फिल्म क्षेत्रमा प्रवेश गरेकी नायिका रिस्ता बस्नेतको अभिनय रहेको हिन्दी गीतको भिडियो सार्वजनिक भएको छ ।
‘साथिया तेरे बिना’ बोल रहेको यस गीतको भिडियोमा रिस्ताले भारतीय चर्चित टिकटक स्टार तथा मोडल मन्जुल खट्टरसंग स्क्रिन शेयर गरेकी छिन् । यस गीतमा कार्तिक कुश र ज्योतिका तंग्रीले स्वर दिएका छन् । गीतको शब्द संजिव पाण्डेले लेखेका हुन् ।
गीतको भिडियोलाई नेपाली कोरियोग्राफर कमल राइले नै निर्देशन गरेका छन् । यस गितमा पुनित अवस्थीले संगीत भरेका छन्। । सम्राट शाक्यले निर्देशन गरेको भिडियोलाई टिकाराम शर्माले निर्माण गरेका छन्। भिडियोमा पुरुसोत्तम प्रधानको छायांकन रहेको छ ।
