काठमाडौँ – बलिउडका दिग्गज अभिनेता ऋषि कपूरको निधन भएको छ। बुधबार अस्पताल भर्ना भएका उनको बिहिबार बिहान उपचारकै क्रममा निधन भएको हो।
स्वास्थ्यमा समस्या आएपछि मुम्बईको एचएन रिलायन्स फाउन्डेशन अस्पतालमा भर्ना गरिएका ऋषिको बिहिबार बिहान निधन भएको भारतीय संचार माध्यमहरुले जनाएका छन्।
उनको निधन भएको बारे उनको दाइ रणधीर कपुरले पुष्टि गरिसकेका छन्। बुधबार राति रणधीरले ऋषिको अवस्था नाजूक बन्दै गएको बताएका थिए।
अमेरिकामा लगभग १ वर्ष सम्म क्यान्सरको उपचार गरेपछि गत सेप्टेम्बरमा भारत फर्किएका थिए । फेब्रुअरीमा पनि स्वास्थ्य बिग्रिएपछि उनलाई दुई पटक अस्पताल भर्ना गर्नु परेको थियो ।
ऋषि कपुरको निधन भएपछि बलिउडका अर्का दिग्गज कलाकार अभिताभ बच्चनले आफू पूर्ण रुपमा टुटिसकेको बताएका छन्। “उनी गए। ऋषि कपुरको भर्खरै निधन भयो। म पूर्ण रुपमा टुटिसकेको छु””,अभिताभ बच्चनले ट्वीटरमा लेखेका छन्।
T 3517 – He’s GONE .. ! Rishi Kapoor .. gone .. just passed away ..
I am destroyed !— Amitabh Bachchan (@SrBachchan) April 30, 2020
