काठमाडौँ – सोमबार थप एक जनामा कोरोना संक्रमण पुष्टि भएको छ। धरान स्थित वीपी कोइराला स्वास्थ्य विज्ञान प्रतिष्ठानमा गरिएको परीक्षण पश्चात सोमबार थप एक जनामा कोरोना भाइरस संक्रमणको पुष्टि भएको हो।
कोरोना पुष्टि हुनेमा सप्तरीको डाक्नेश्वरी नगरपालिका वडा नं ३का १८ वर्षीय पुरुष रहेका छन्। यससंग सोमबार कोरोना पुष्टि हुनेको संख्या ११ पुगेको छ।
यस अगाडी सोमबार बिहान १० जनामा कोरोना भाइरस संक्रमणको पुष्टि भएको थियो। राष्ट्रिय जनस्वास्थ्य प्रयोगशाला, काठमाडौँमा गरिएको परीक्षणबाट १० जनामा कोरोना संक्रमण पुष्टि भएको थियो।
सोमबार बिहान कोरोना पुष्टि भएकाहरुमा १८, १९, २०, २० २४, ३०, ३१, ३४ र ३४ वर्ष पुरुष रहेका छन्। संक्रमण पुष्टि भएका मध्ये एक जनाको भने उमेर खुलिसकेको छैन।
