काठमाडौँ – बुधबार नेपालमा थप ९ जनामा कोरोना भाइरस संक्रमणको पुष्टि भएको छ। देशमा विभिन्न प्रयोगशालाहरुमा गरिएको परीक्षणका क्रममा बुधबार ९ जनामा कोरोना भाइरस संक्रमणको पुष्टि भएको हो।
स्वास्थ्य तथा जनसंख्या मन्त्रालयको नियमित पत्रकार सम्मेलनका क्रममा रुपन्देहीमा १ र झापामा ८ जना संक्रमित भेटिको मन्त्रालयका प्रवक्ता डा विकास देवकोटाले जानकरी दिए। बिहिबार कोरोना पुष्टि हुने सबै जना पुरुष रहेका छन्।
यससँगै नेपालमा कोरोना भाइरस सङ्क्रमितको कुल सङ्ख्या ४५३ पुगेको छ। बिहिबार ९ जनामा पुष्टि भएपछि देशका ३८ जिल्ला कोरोना भाइरस संक्रमणको पुष्टि भएको छ। नेपालमा कोरोना पुष्टि भएका मध्ये ३८३ जना पुरुष रहेको र ७० जना महिला रहेको देवकोटाले बताए।
नेपालमा थप ४ जना कोरोना भाइरस संक्रमित निको भएका छन्। कोरोना भाइरस संक्रमणपछि टेकुस्थित शुक्रराज ट्रपिकल तथा सरुवा रोग अस्पतालमा उपचाररत ४ जना निको भएका हुन्।
कोरोना पुष्टि पछि टेकुस्थित शुक्रराज ट्रपिकल तथा सरुवा रोग अस्पतालमा राखेर उपचार गरिएका ४ जनाको दोस्रो रिपोर्ट समेत नेगेटिभ आएपछि उनीहरुलाई डिस्चार्ज गरिएको छ। यससँगै नेपालमा कोरोना भाइरस संक्रमण निको हुनेको संख्या ४९ पुगेको छ।
