काठमाडौँ – पूर्वयुवराज पारस शाह सवार गाडी दुर्घटना भएको छ। शुक्रबार राति पूर्वयुवराज पारस शाह सवार बा १४ च २१३१ नम्बरको गाडी पोखरामा दुर्घटनाग्रस्त भएको हो।
शुक्रबार राति पूर्वयुवराज पारस शाह सवार गाडीले पोखराको पृथ्वीचोकमा बाच्छालाई ठक्कर दिएर दुर्घटनाग्रस्त भएको र ठक्करबाट बाच्छा घटनास्थलमै मरेको बताइएको छ। गाडीमा पारस सहित ३ जना रहेको जिल्ला प्रहरी कार्यालय कास्कीले जनाएको छ।
बताइएअनुसार छाती दुखेपछि पारसलाई पश्चिमाञ्चल क्षेत्रीय अस्पताल लैजाँदै गर्दा गाडी दुर्घटनामा परेको थियो। दुर्घटना पश्चात प्रहरीले सवारी चालक अशोक गुरुङ र गाडी नियन्त्रणमा लिएको थियो। गाडी दुर्घटनामा परेपछि पारसलाई अर्को सवारीमा अस्पताल पुर्याएका थिए। सामान्य परीक्षण पश्चात अस्पतालले पारसलाई फिर्ता पठाइदिएको थियो।
पारस केहि समय देखि पोखरामा छन्। उनी लेकसाइडको खपौंदीस्थित अपार्टमेन्टमा बस्दै आएको बताइन्छ।
