काठमाडौँ, जेठ १२। अभिनेत्री बर्षा राउत केहि दिनदेखि विवादमा तानिएकी छिन्। कालापानी-लिपुलेक लगायतका क्षेत्रलाई लिएर नेपाल भारत बीच चर्किरहेको सीमाविवाद बारे दिएको अभिव्यक्तिका कारण उनि विवादमा तानिएकी हुन्। वर्षाले एक अन्तर्वार्तामा बोल्ने क्रममा नेपाल र भारतको मिडियाका कारण आफूलाई भारतीय फ्यानहरुसँग कुरा गर्न गाह्रो भएको बताएकी थिइन् । त्यसपछि उनको आलोचना भएको थियो।
वर्षा राउत विवादमा तानिएसंगै अर्की नायिका वर्षा सिवाकोटीलाई भने समस्या परेको छ । नाम एउटै भएका कारण नायिका सिवाकोटीलाई धेरै मानिसहरुले सामाजिक संजालमा गालि गर्दै कमेन्ट र म्यासेज गर्ने गरेको उनले बताएकी छिन्। नाम मिलेकै आफूमाथि खनिएपछि उनले आधारमा सामाजिक संजाल प्रयोगकर्तालाई नाम थर हेरेर प्रतिक्रिया दिन आग्रह गरेकी छिन्।
उनले लेखेकी छिन्, ‘मेसेज पठाउनु र कमेन्ट गर्नु अघि नाम थर हेर्ने कष्ट गरिदिनु होला।’
