काठमाडौँ – कालापानी-लिपुलेक लगायतका क्षेत्रलाई लिएर नेपाल भारत बीच चर्किरहेको सीमाविवाद बारे दिएको अभिव्यक्तिका कारण नायिका वर्षा राउत केहि दिन विवादित बनिन्।
सीमा विवादबारे दुवै देशका पत्रकारहरुले जनताबीच विवाद उत्पन्न गराएका कारण भारतीय साथीसँग बोल्नु समेत गार्हो भएको बताउँदा उनको सामाजिक संजालमा ब्यापक आलोचना भयो। सर्वत्र आलोचना पश्चात सामाजिक संजाल मार्फतले क्षमायाचना पनि गरीन्।
बर्षाले दिएको अभिव्यक्तिको कारण बर्षा राउत मात्र नभई बर्षा सिवाकोटीलाई पनि तनाब भएको छ। नाम मिलेकै कारण नायिका सिवाकोटीलाई गाली सहितका म्यासेजहरु आउने गरेका छन्। यस्तै उनको प्रोफाइलमा गाली सहितका कमेन्ट पनि आउन थालेका छन्।
नाम मिलेकै कारण मानिसहरुले नचिनेर गाली गर्न थालेपछि नायिका सिवाकोटीले नाम हेरेर म्यासेज गर्न आग्रह गरेकी छन्। सोमबार सामाजिक संजाल मार्फत उनले यस्तो आग्रह गरेकी हुन्।
“नमस्ते म ‘बर्षा सिवाकोटी’ ! मेसेज पठाउनु अगाडि नाम र थर हेर्ने कष्ट गर्नुहोला ।”,सामाजिक संजाल फेसबुकमा नायिका सिवाकोटीले लेखेकी छन्।
