काठमाडौँ – एटिएम फुटाउदैँ गरेको अवस्थामा एक जनालाई प्रहरीले भक्तपुरबाट पक्राउ गरेको छ। एटिएम फुटाउदैँ गरेको अवस्थामा एक जनालाई प्रहरीले मध्यपुर ठिमी नगरपालिका-६ बाहखा बजारबाट पक्राउ गरेको हो।
पक्राउ पर्नेमा सिन्धुपालचोक जिल्ला स्थित कदम्बास घर भई हाल सोही वडाको नगदेश भन्ने ठाँउमा बस्दै आएका २१ वर्षीय सचिन तामाङ रहेका छन्।
शनिबार बिहान सवा २ बजे मध्यपुर ठिमी नगरपालिका-६ बाहखा बजार स्थित संजिब चित्रकारको घरमा रहेको एनआईसी एसियाको एटिएम फुटाउँदै गरेको अवस्थामा उनलाई नियन्त्रणमा लिइएको महानगरीय प्रहरी परिसरले जनाएको छ।
यस्तै प्रहरीले तामाङको साथबाट एक थान ह्याम्बर, एक थान स्क्रु ड्राइभर, एटीएम मेसिनको बाहिरी कभर र रोलर समेत बरामद गरेको छ। पक्राउ परेका उनी माथि प्रहरीले अनुसन्धान गरिरहेको छ।
