काठमाडौँ। बलिउडको फिल्महरुसँगै यहाँका अभिनेता र अभिनेत्रीहरु पूरा संसारभर प्रसिद्ध छन्। उनीहरु भारतमा मात्र नभई नेपाल लगायत विश्वभर लोकप्रिय हुनुको साथै दुनियाँ भर लाखौँको संख्यामा फ्यानहरु छन्।
• श्रुति हासन र अक्षरा हासन
बलिउडकी सुन्दर अभिनेत्री मध्ये एक हुन् श्रुति हासन र उनकी बहिनी हुन् अक्षरा हासन। श्रुति हासन र अक्षरा हासन बहुप्रसिद्ध अभिनेता कमल हासनकी छोरीहरु हुन्। श्रुति र अक्षरा दुवै जना दक्षिण भारतीय चलचित्र क्षेत्रका सफल अभिनेत्रीहरु हुन्। श्रुति हासनले थुप्रै बलिउड फिल्महरुमा पनि काम गरिसकेकी छिन्।
• अल्लू अर्जुन र रामचरण
सुपरस्टार अल्लू अर्जुन र रामचरण दक्षिण भारतीय चलचित्र उद्योगका सर्वाधिक ह्याण्डसम र लोकप्रिय अभिनेता हुन् र दुवै सम्बन्धमा भाई पर्छ। दक्षिण भारतीय चलचित्र उद्योगको मेगास्टार भनेर चिनिने अभिनेता चिरञ्जीवीको छोरो रामचरण तेजा हो र चिरञ्जीवी अल्लू अर्जुनको काका पर्छ। यस कारण उनीहरु दाजु-भाई हुन्।
• विद्या बालन र प्रियामणि
विद्या बालन बलिउडको एक प्रसिद्ध नाम हो। तर के तपाईलाई थाहा छ, उनको एक काकाकी छोरी अर्थात बहिनी छिन् जसबाट विद्याले फिल्म र अभिनयको टिप्स लिन्छिन। उनी हुन् प्रियामणि, जो दक्षिण भारतीय चलचित्र उद्योगकी चर्चित अभिनेत्री हुन्।
• तनुश्री दत्ता र इशिता दत्ता
तनुश्री दत्ता बलिउड र दक्षिण भारतीय चलचित्र उद्योगकी सफल र चर्चित अभिनेत्रीहरु मध्ये एक हुन् र उनकी बहिनी इशिता दत्ता पनि साउथकी निकै लोकप्रिय अभिनेत्री हुन्। अभिनेत्री इशिता दत्ताले गत वर्ष अभिनेता वत्सल सेठ गुपचुप तरिकाले विवाह गरिसकेकी छिन्। यो विवाह मुम्बईको इस्कोन मन्दिरमा भएको थियो जहाँ केही विशेष अतिथि र चलचित्र उद्योगका निकट व्यक्तिहरू सहभागी थिए। कुनै कारण तनुश्री दत्ता भने विवाहमा उपस्थित हुन् सकिनन्।
• ज्योतिका र नगमा
अभिनेत्री नगमा दक्षिण भारतीय चलचित्र उद्योगकी प्रसिद्ध र लोकप्रिय अभिनेत्री हुन् र उनकी बहिनी ज्योतिका पनि साउथकी लोकप्रिय अभिनेत्री हुन्।
(एजेन्सी)
