काठमाडौँ – मंगलबार ३ सय जना भन्दा बढीमा कोरोना भाइरस संक्रमणको पुष्टि भएको छ। देशका विभिन्न प्रयोगशालामा गरिएको परीक्षणबाट ३ सय २३ जनामा कोरोना संक्रमणको पुष्टि भएको हो।
स्वास्थ्य तथा जनसंख्या मन्त्रालयका नव-नियुक्त प्रवक्ता डाक्टर जागेश्वर गौतमले बितेको २४ घण्टामा २९२ जना पुरुष र ३१ जना महिलामा कोरोना भाइरस संक्रमणको पुष्टि भएको जानकारी दिए। यससँगै नेपालमा संक्रमितको संख्या ४ हजार ८५ पुगेको छ।
यस्तै बितेको २४ घण्टामा नेपालका ९६ जना कोरोना भाइरस संक्रमित निको भएर घर फर्किएका छन्। जससँगै कोरोनालाई जितेर घर फर्किनेको संख्या ५८४ पुगेको छ।
हाल सम्म नेपालमा १ लाख ६३ हजार ३१ जनाको पिसिआर परीक्षण परीक्षण भएको छ।
