एजेन्सी – चर्चित बलिउड अभिनेता सुशांत सिंह राजपूत मृत अवस्थामा फेला परेका छन्। राजपूत आफ्नै घरमा झुन्डिएको अवस्थामा मृत फेला परेका हुन्।
मुम्बई स्थित आफ्नै घरमा उनी झुन्डिएको अवस्थामा फेला परेको भारतीय संचार माध्यमहरुले जनाएका छन्। मुम्बई प्रहरीले समेत सुशांत सिंह राजपूत झुन्डिएको अवस्थामा फेला परेको पुष्टि गरेको छ।
उनको घरमा काम गर्ने व्यक्तिले यस घटना बारे आफूहरुलाई जानकारी दिएको बिबिसी हिन्दीले जनाएको छ। बिबिसी हिन्दीका अनुसार मुम्बई पुलिसका अतिरिक्त सीपी मनोज कुमारले सुशांत सिंह राजपूत झुन्डिएको अवस्थामा फेला परेको पुष्टि गरेका छन्।
टिभीबाट आफ्नो अभिनय सुरु गरेका सुशांत सिंह राजपूतले हालैका वर्षहरूमा ठूलो पर्दाका चलचित्रहरुमा आफ्नो उल्लेखनीय सफलता हाँसिल गरेका थिए। उनले काई पो चेबाट फिल्म बलिउड करियर सुरु गरेका थिए। उनले चलचित्र ‘पिके’मा आमिरसंग पनि काम गरेका थिए।
‘डिटेक्टिव ब्योमकेश बक्शी’, ‘एमएस धोनी: द अनटोल्ड स्टोरी’ र ‘छिछोरे’ जस्ता सफल चलचित्रमा सुशांत लीड भूमिका निभाएका थिए।
