काठमाडौँ, असार १८ । कोरोना महामारीका कारण अस्थिर भएको सुनको मूल्य आज भने तोलामा ७ सय रुपैयाले घटेको छ । बुधबार छापावाला सुन प्रतितोला ९१ हजार ७ सय रुपैयामा कारोबार भएकोमा आज ७ सय रुपैयाँले घटेको हो।
नेपाली बजारमा आज छापावाला सुन प्रतितोला ९१ हजार रुपैयाँमा किनबेच भइरहेको नेपाल सुनचाँदी व्यवसायी महासंघले जनाएको छ ।
नेपाल सुनचाँदी व्यवसायी महासङ्घका अनुसार आज तेजाबी सुनको मूल्य प्रतितोला रु ९० हजार ५ सय ६५ कायम भएको छ। साथै आज चाँदीको मुल्य पनि तोलामा १० रुपैयाले घटेको छ। आज चाँदीको मुल्य प्रतितोला रु ९ सय ५० रुपैया मा खरिद बिक्री भइरहेको छ ।
बन्दाबन्दीयता जेठ २५ गते एक तोला सुनको मूल्य १० हजार ४०० ले बढेर रु ८७ हजार पुगेको थियो ।
