हरेक व्यक्तिको भाग्य, व्यवहार र क्षमता फरक फरक रहेको हुन्छ । कोही बौद्धिक क्षमता बढी भएका हुन्छन् भने कोही कम बौद्धिकता भएका हुन्छन् । ज्योतिष शास्त्रले बताए अनुसार फरक फरक राशी भएका व्यक्तिमा बौद्धिक क्षमता पनि फरक हुने गरेको पाइएको छ । आज हामी बौद्धिक क्षमता भएका केही राशीको बारेमा बताउन गइरहेका छौँ ।
वृश्चिक राशि :
वृश्चिक राशी भएका व्यक्तिहरु धेरै बुद्धिमानी हुने कुरा ज्योतिष शास्त्रमा उल्लेख गरिएको छ । यो राशी भएका व्यक्तिहरुमा अन्य राशी भएका व्यक्तिमा भन्दा फरक ढङ्गले सोच्न सक्ने हुन्छन् । उनीहरुले गर्ने परिकल्पाना समेत फरक हुन्छ ।
मेष राशि :
मेष राशी भएका व्यक्तिहरु सोच्नमा धेरै अगाडी हुने गर्छन् । यो राशी भएका व्यक्तिहरु अरुको भन्दा फरक योजना बनाउनमा सधै अगाडी रहेका हुन्छन् । आफ्नो हार मन नपराउने यो राशी भएका व्यक्तिहरु आफ्नो दिमागको आफै प्रयोग गर्छन् ।
धनु राशि :
यो राशी भएका व्यक्तिहरु व्यापार व्यवसाय गर्नमा धेरैे दिमाग लगाउने गर्छन् । आफ्नो दिमाग प्रयोग गरेर सजिलै अरुलाई प्रभावित पार्न सक्ने यो राशी भएका व्यक्तिले अरुको मनमा भएको कुराहरु सजिलै थाहा पाउने गर्छन् भने धनु राशी भएका व्यक्तिहरु सहि निर्णय लिने खासियत हो ।
वृष राशि :
धेरैजसो शान्त रहन चाहने यो राशी भएका व्यक्तिहरु आफ्नो बौद्धिकता अरुलाई देखाउन चाहदैनन् । सधैभरि सकारात्मक सोच राख्ने भएको कारण यो राशी भएका व्यक्तिहरुले अरुको मनको कुरा थाहा पाउने क्षमता रहेको हुन्छ । वृष राशी भएका व्यक्तिहरु पढाइको मामलामा पनि अगाडी रहेका हुन्छन् ।
