यो संसारमा अनेक थरिका ठाउँ छन् | कुनै ठाउँ यस्ता पनि छन् जहाँ जादा मानिसलाई मनको शान्ति मिल्ने गर्छ | त्यस्तै कुनै यस्ता पनि ठाउँ छन् जहाँ जान मानिस डराउने गर्छन् | यस्तै डरलाग्दो र भयानक ठाउँ हो रोमानियाको ट्रान्सिल्भेनिया प्रान्त | ट्रान्सिल्भेनियामा कयौँ भयानक र डरलाग्दो घटना घटिसकेको छ कि अब मानिस त्यहाँ जान पनि डराउने गर्छन् |
‘होया वस्यु’ विश्वको सबैभन्दा डरलाग्दो जंगल मध्ये एक मानिन्छ। जंगलमा हुने रहस्यमय घटनाहरूको कारण ‘ट्रान्सिल्भेनियाको बर्मुडा ट्राइएंगल’ भनिन्छ। यो डरलाग्दो जंगल ट्रान्सिल्भेनिया प्रान्तको क्लुज-नेपोका शहरको पश्चिममा रहेको क्लुज काउन्टीमा अवस्थित छ।होया वस्यु जंगल करिब ७०० एकरमा फैलिएको छ। योविश्वास गरिन्छ कि मानिसहरू यस जंगलमा छिरेपछि रहस्यमय रूपमा हराउँछन्। यस जंगलमा सयौं मानिस हराइरहेका छन् र अहिलेसम्म पनि उनीहरुको कुनै पनि सुराग मिलेको छैन |
होया वस्यु जंगलका रूखहरू टेढो मेडो छन् जुन दिनको उज्यालोमा पनि अत्यन्त डरलाग्दो देखिन्छ। मानिसहरूले यो स्थानलाई यूफओ (उडन्तस्तरी) र भुतहरूसँग जोड्ने गरेका छन्। यस बाहेक, यो पनि भनिन्छ कि धेरै मानिसहरू रहस्यमय ढंगले यहाँ हराईसएका छन्।
केही वर्ष पहिले एक सैन्य प्राविधिकले यस जंगलमा उडान चट्टान देखेको दाबी गरेका थिए । त्यस्तै, सन् १९६८ मा, एमिल बराानिया नामका एक व्यक्तिले पनि यहाँ आकाशमा अलौकिक शरीर देखेको दाबी गरेका थिए । यहाँ आएका पर्यटकहरूले पनि यस्तै घटनाहरूको उल्लेख गरेका छन्।
यस जंगलप्रति मानिसहरुको चासो बढ्यो जब यो जंगलको एक क्षेत्रमा एक मानिस हराएका थिए। शताब्दीयौं पुरानो कथा अनुसार त्यो मानिस जंगलबाट रहस्यमय ढंगले हराए। छक्कलाग्दो कुरा के छ भने, उनीसँग त्यस समयमा २०० भेडा पनि थिए।
सन् १८७० मा पनि, एक युवती दुर्घटनावश यस जंगलमा पसेकी थिईन् र त्यसपछि उनी हराइन्। किवन्दतीका अनुसार, उक्त युवती जंगलबाट ५ वर्ष पछि फर्किएपछि मानिसहरू छक्क परे तर उनको स्मरण शक्ति पुरै रूपमा हराइसकेको थियो। तथापि, उनको पनि केहि समयपछि निधन भएको थियो ।
