काठमाडौँ – पूर्वप्रधानमन्त्री तथा प्रतिनिधिसभा सदस्य बाबुराम भट्टराईले अपराधका संरक्षक न्यायाधीशमाथि महाभियोग लगाउन पर्ने बताएका छन्।
शुक्रबार बिहान एक ट्वीट गर्दै भट्टराईले अपराधका संरक्षक न्यायाधीशमाथि महाभियोग लगाउन र ओलीलाई हटाएर नयाँ प्रधानमन्त्री चयन गर्न आवश्यक भैसककेको बताएका हुन्।
भट्टराईले देश गम्भीर संकटतिर जाँदै गरेको भन्दै चिन्ता पनि व्यक्त गरेका छन्। प्रधानमन्त्रीबाट केपी शर्मा ओलीलाई बिदा गर्न र अपराधका संरक्षक न्यायाधीशमाथि महाभियोग लगाउन संसद अधिवेशन तत्काल बोलाउन उनको माग छ।
साथै भट्टराईले ष्टाचार रोक्न शक्तिशाली लोकपाल गठन गर्न र प्रत्यक्ष निर्वाचित कार्यकारी राष्ट्रपतिय प्रणालीमा जान आवश्यक भइसकेको पनि बताएका छन्।
“देश गम्भीर संकटतिर जाँदैछ। लोकतान्त्रिक ढंगले संकटमोचन गर्न यसो गरौं: १.संसद अधिवेशन बोलाऊँ; २.केपी शर्मा ओलीलाई विदा गरेर नेकपाभित्रैबाट नयाँ प्रधानमन्त्री चयन गरौं; ३.अपराधका संरक्षक न्यायाधीशमाथि महाभियोग लगाऊँ; ४.भ्रष्टाचार रोक्न शक्तिशाली लोकपाल गठनगरौं; ५.प्रत्यक्ष निर्वाचित कार्यकारी राष्ट्रपतिमा जाऊँ!”,भट्टराईले ट्वीटरमा लेखेका छन्।
श्रीमतीको ज्यान लिएको घटनामा दोषी ठहर भएका सशस्त्र प्रहरीका पूर्व डीआइजी रञ्जन कोइरालाको कैद सजाय घटाउने सर्वोच्च अदालतको फैसलापछि भट्टराईको यस्तो टिप्पणी आएको हो।
यस भन्दा अगाडी पनि बिहिबार भट्टराईले रञ्जन कोइराला छुटेको विषयको चर्को आलोचना गरेका थिए। भट्टराईले कैद घटाउने सर्वोच्चको फैसलालाई असफल राज्यको लक्षण भनेका थिए ।
देश गम्भीर संकटतिर जाँदैछ।लोकतान्त्रिक ढंगले संकटमोचन गर्न यसो गरौं:१.संसद अधिवेशन बोलाऊँ;२.KPOलाई विदा गरेर नेकपाभित्रैबाट नयाँPMचयन गरौं;३.अपराधका संरक्षक न्यायाधीशमाथि महाभियोग लगाऊँ;४.भ्रष्टाचार रोक्न शक्तिशाली लोकपाल गठनगरौं;५.प्रत्यक्ष निर्वाचित कार्यकारी राष्ट्रपतिमा जाऊँ!
— Baburam Bhattarai (@brb1954) July 24, 2020
पत्नीको हत्या गर्ने डिआइजी अदालतबाट सजाय कटौती गराएर विजयी राजनेता झैं हात हल्लाउँदै निस्कन्छ! जाँड खाएर गाडी चलाउँदा सडकपेटीमा मान्छे मार्ने धनाढ्यको छोरो अदालतबाट धरौटीमा रिहा हुन्छ!सांसद अपहरण गर्ने पूर्व आइजीपी विरूद्ध सरकारले मुद्दै चलाउँदैन! यो असफल राज्यको लक्षण नभए के हो?
— Baburam Bhattarai (@brb1954) July 23, 2020
