घाँस काट्न जाँदा रूखबाट लडेर कम्मरमुनिको भाग चल्न छाड्यो, पेट दबिएर रित्तो भाँडोजस्तै भयो !

खोटाङ – एक वर्षदेखि ओछ्यानमा थलिएकी हलेसी तुवाचुङ नगरपालिका–२, डिकुवास्थित ओफ्लाङकी चीनमाया अधिकारी खत्रीको उद्धार गरिएको छ। घाँस काट्न जाँदा रूखबाट लडेर गम्भीर घाइते भएकी चीनमायाको मंगलबार उद्धार गरिएको हो।

चीनमाया गत वर्ष रूखबाट लडेकी थिइन्। उपचार नपाउँदा उनी थलिएकी थिइन्। उक्त घटना पश्चात उनको कम्मरमुनिको भाग चल्न छाडेको थियो भने पेट दबिएर रित्तो भाँडोजस्तै भएको छ।

उद्धार गरिएकी उनलाई उपचारको लागि काठमाडौँ पठाइएको छ।