काठमाडौँ, साउन १८ । केहि सातादेखि लगातार बढिरहेको सुनको मूल्य आज फेरी बढेको छ । शुक्रबार ३ सय रुपैयाँले बढेको सुनको मूल्य आज पनि तोलामा ३ सय रुपैयाले नै बढेको नेपाल सुनचाँदी व्यवसायी महासंघले जनाएको छ।
नेपाल सुनचाँदी व्यवसायी महासंघका अनुसार आज छापावाला सुनको मूल्य प्रतितोला ९९ हजार ६ सय रुपैयाँ कायम भएको छ। नेपाली बजारमा यो मूल्य हाल सम्मकै उच्च हो ।
केहि समय देखि सुनको मूल्यमा लगातार रेकर्ड बनिरहेका छन्।
आज तेजावी सुनको मूल्य पनि बढेको छ । आज तेजावी सुन प्रतितोला ९९ हजार १ सय ६० मा कारोबार भइरहेको छ। त्यस्तै आज चाँदीको मूल्य पनि तोलामा ३० रुपैयाले बढेको छ । आज चाँदीको मूल्य प्रतितोला १२ सय ३० रुपैयामा कायम रहेको छ।
