“झलनाथलाई राष्ट्रपति, प्रचण्डलाई प्रधानमन्त्री र नेपाललाई अध्यक्ष बनाउन नेकपा विभाजन गरिँदैछ”

काठमाडौँ – प्रधानमन्त्री केपी शर्मा ओलीका प्रेस सल्लाहकार सुर्य थापाले पदको लालचमा नेकपा विभाजन र समाप्त पार्ने प्रयास भइरहेको बताएका छन्।

सत्तारुढ नेपाल कम्युनिष्ट पार्टी(नेकपा) भित्रको विवादलाई पार्टीका अध्यक्ष पुष्पकमल दाहाल प्रचण्डले पार्टी भित्रको विवाद पद, प्रतिष्ठा, गुटबन्दी र भागबण्डा नभएर विधि, पद्दति र एकताको लागि भएको संघर्ष बताएपछि सूर्य थापाले यस्तो बताएका हुन्।

बुधबार प्रचण्डले अनौपचारिक पत्रकार भेटघाटका क्रममा पार्टी फ्ट्न सक्ने बताएका थिए। जसक्रममा प्रचण्डले विधि, पद्दति र एकताका लागि संघर्ष चलिरहेको र त्यसक्रम पार्टी फुट्न पनि सक्ने बताएका थिए।

विभिन्न पदको आकांक्षा र बाँडफाँटको योजनासहित नेकपा बिघटन गर्न खोजिएको थापाको आरोप छ। यस्तो आरोप लगाइरहँदा थापाले करिब १० वर्ष अगाडी तत्कालीन माओवादीका पार्टी अध्यक्ष तथा संसदीय दलकाे नेताबाट पुष्पकमल दाहाल “प्रचण्ड”लाई अपदस्थ गर्न केन्द्रीय कमिटीमा हस्ताक्षर संकलन, बाबुराम, वैद्य, बादल, नारायणकाजी र विप्लवले गरेको माेर्चाबन्दी समेत उल्लेख गरेका छन्।

थापाका अनुसार झलनाथ खनाल राष्ट्रपति, पुष्पकमल दाहाल प्रचण्ड प्रधानमन्त्री, माधवकुमार नेपाल पार्टी अध्यक्ष र नारायणकाजी श्रेष्ठ उपप्रधानमन्त्री तथा परराष्ट्रमन्त्री बन्ने आकांक्षासहित नेकपा फुटाउने षडयन्त्र भइरहेको छ।

थापाले फेसबुकमा यसो लेखेका छन् –

अहिले १० बर्षपछि साउनकाे याे बेला

खुमलटार गठबन्धनकाे रिहर्सल