काठमाडौँ, साउन २५ । अभिनेत्री पुजा शर्माले रंग पत्रकार प्रकाश सुवेदी विरुद्ध उजुरी दिएकी छन् । सुवेदीले टेलिभिजन कार्यक्रममार्फत ‘दाह्रा भएकी महानायिका’ भन्दै टिप्पणी गरेपछि पूजाले चलचित्र कलाकार संघमा उजुरी दिएकी हुन् । उजुरी गर्ने क्रममा उनले सुवेदीका कारण आफूले मानसिक तनाव भोग्नु परेको बताएकी छिन्।
पत्रकार सुवेदीले पूजाको शारीरिक एवम बौद्धिकतामाथि टिप्पणी गर्दै यसो भनेका थिए, ‘आफैँ नजान्ने अनि हामीले चाहि लिएको इन्टर्भ्यू काटिदिनु पर्ने? मिलाई-मिलाई महानायिका बनाइदिनु पर्ने? त्यो पनि दाह्रा निस्किएको अनुहारलाई?’
सुवेदीले पूजाविरुद्ध दिएको अभिव्यक्तिमा अपशब्द र होच्चाउने शब्द प्रयोग गरेको भन्दै अहिले सामजिक संजालमा आलोचना भइरहेको छ। साथै नेपाली चलचित्रका अधिकांश कलाकारहरुले सामाजिक संजालमार्फत प्रकाश सुवेदीको अभिव्यक्तिप्रति विरोध जनाउदै आइरहेका छन्। सुवेदीले ‘रजतपट’ नामको कार्यक्रम संचालन गर्छन ।
