काठमाडौँ, साउन २८ । दुई दिनदेखि बेपत्ता भएका पत्रकार बलराम बानियाँको शव छ । कान्तिपुर दैनिकका सहायक सम्पादक समेत रहेका पत्रकार बानियाँको शव मकवानपुरको सिस्नेरीस्थित माण्डो जलविद्युत आयोजनामा भेटिएको जानकारी प्रहरीले दिएको छ।
दुई दिनदेखि घर नफर्किएपछि बानियाँका परिवारले महानगरीय प्रहरी परिसर, काठमाडौं र अपराध अनुसन्धान महाशाखा, बानेश्वरमा उजुरी दिएको थियो ।
बानियाँको मोबाइल सोमबार दिउँसो १ बजेबाट स्वीच अफ भएको थियो भने केहि घण्टापछि उनि बल्खु खोलाको पुलमुनि देखिएका थिए ।स्थानीयको अनुसार बानिया बाटो छेऊबाट हिलैहिलो हिडेका थिए । नेपाली सेना, नेपाल प्रहरी र सशस्त्र प्रहरीले उनको खोजी गर्ने क्रममा खोला किनारमा भेटिएको थियो र उक्त जुत्ता बुबाकै भएको बानियाँकी छोरीले पुष्टि गरेकी थिइन् ।
