कोरोना महामारीको समयमा सबैभन्दा बढी मागमा रहेको चिज मध्ये एक हो ह्यान्ड स्यानिटाइजर। अहिले सामाजिक संजालमा स्यानिटाइजर सम्बन्धि एक भिडियो भाइरल भइरहेको छ।
यस भिडियोमा एक व्यक्तिले स्यानिटाइजर चोरी गर्न खोजेको देखिन्छ र स्यानिटाइजर चोरी गरेपछि उसले सीसीटीभी देख्ने बित्तिकै उसले तुरुन्तै चोरी गररेको स्यानिटाइजर पहिलेकै बोतलमा हाल्छ। भिडियो गत बिहिबार फेसबुक पेज ‘कन्डोटी अबू’ मा साझा गरिएको थियो, जुन अहिले धेरै भाईरल भइरहेको छ। मानिसहरूलाई यो भिडियो एकदम रमाईलो लागिरहेको छ।
https://www.facebook.com/Kondottyabulike/videos/2655890081393666
यस भिडियोमा यो देख्न सकिन्छ कि फोनमा कुरा गर्ने क्रममा उक्त व्यक्तिले आफ्नो धोती भित्रबाट एउटा खाली सीसी निकालेर त्यसमा बालकनीमा राखिएको बोतलबाट स्यानिटाइजर भर्छ।
उसलाई लाग्यो कि कसैले उसलाई देखेको छैन, तर जब उनी त्यहाँ बाट जान थाल्छन्, उसको आँखा क्यामेरामा पर्छ। त्यसपछि उसले हत्तपत्त आफ्नो मुखमा मास्क लगाउँछ र त्यसपछि चोरी गरेको स्यानिटाइजर फेरि पहिलेकै बोतलमा हाल्छ र खाली बोतल धोतीमा लुकाउँछ र क्यामेरामा देखाउँछ कि उसले बोतलमा सबै स्यानिटाइजर राख्दिसकेको छ।
