काठमाडौँ – गएको २४ घण्टामा काठमाडौँ उपत्यकामा अहिले सम्मकै बढी कोरोना संक्रमित फेला परेका छन्। उपत्यकाका विभिन्न प्रयोगशालामा पारिएको परीक्षणबाट अहिले सम्मकै बढी व्यक्तिमा कोरोनाको पुष्टि भएको हो।
स्वास्थ्य तथा जनसंख्या मन्त्रालयका प्रवक्ता डा जागेश्वर गौतमले उपत्यकामा गएको २४ घण्टामा अहिले सम्मकै बढी २१६ जनामा कोरोना भाइरस संक्रमणको पुष्टि भएको जानकारी दिए।
उनका अनुसार पछिल्लो २४ घन्टामा काठमाडौंमा १६०, ललितपुरमा ६ र भक्तपुरमा ५० जनामा कोरोना संक्रमण पुष्टि भएको छ। उपत्यकामा कोरोना संक्रमितको संख्या ३ हजार ३ सय १२ पुगेको छ। जस मध्ये सबै भन्दा धेरै काठमाडौँमा २ हजार ४५३जना संक्रमित छन् भने त्यस पछाडी ललितपुरमा ३९९ र भक्तपुरमा २४४ जना संक्रमित छन्।
यस्तै पछिल्लो २४ घण्टामा नेपालमा थप ६३४ जनामा कोरोना भाइरसको संक्रमणको पुष्टि भएको छ। थप पुष्टि सँगै नेपालमा पालमा कोरोना संक्रमित हुनेको संख्या ३१ हजार ११७ जना पुगेको छ।
पछिल्लो २४ घण्टामा थप १३६ जना कोरोना संक्रमणमुक्त भएका छन्। योसहित नेपालमा हालसम्म १८ हजार ३५० उपचारपछि निको भएको प्रवक्ता गौतमले जानकारी दिए।
