स्वस्थ तथा हृष्ट-पुष्ट शरीरको लागि प्रोटिन निकै महत्वपूर्ण मानिन्छ। स्वस्थ रहनको लागि आफ्नो भोजनमा प्रोटिन समावेश गर्नु निकै जरूरी हुन्छ। प्रोटिनको लागि मानिस प्राय: आफ्नो खानामा अण्डा, माछा, मासु सामिल गर्छन्। प्राय: मानिसको यहि बुझाइ हुन्छ कि मांसाहारी खानामा मात्र प्रोटिन अत्याधिक हुन्छ। तर यो कुरा सत्य होइन। धेरै सहाकारी खाना तथा तरकारीमा पनि भरपूर मात्रामा प्रोटिन हुन्छ।
पालुंगो
२५० ग्राम= ७ ग्राम प्रोटिन, ६० क्यालोरी, ५.५ ग्राम फाइबर
पालुंगोमा प्रोटीन मात्र होइन क्याल्शियम, पोटाशियम र बीटा क्यारोटीन जस्ता महत्त्वपूर्ण पोषकहरू पनि समावेश हुन्छ।
च्याउ
२५० ग्राम= ५.५ ग्राम प्रोटिन, ८५ क्यालोरी, ६.२ ग्राम फाइबर
च्याउ हृदय सम्बन्धि रोगका साथै कोलेस्ट्रोल कम गर्नको लागि पनि लाभदायक हुन्छ। मधुमेह नियन्त्रणको लागि पनि फाइदाजनक हुन्छ च्याउ। यसमा भिटामिन बी २ र बी ३ पर्याप्त मात्रामा हुन्छ जसले शरीरको मेताबोलिजममा सुधार ल्याउँछ।
चुकन्दर
२५० ग्राम= ४ ग्राम प्रोटिन, १०८ क्यालोरी, ७ ग्राम फाइबर
चुकन्दरले प्रोटीनको साथै पर्याप्त मात्रामा बेटानिन एन्टिअक्सिडेन्टहरू पनि समावेश गर्छ। यसले सुन्निने समस्या र दुखाइ कम गर्छ र कोलेस्ट्रोललाई नियन्त्रणमा राख्छ।
बन्दा
२५० ग्राम= ४.८ ग्राम प्रोटिन, ६२ क्यालोरी, ५ ग्राम फाइबर
एन्टिअक्सिडेन्टले भरपूर बन्दाले शरीरबाट ट्याक्सिन हटाउन मद्दत गर्छ। यसले सुन्निने समस्या र दुखाइबाट पनि राहत प्रदान गर्छ।
ब्रोकली
२५० ग्राम= ७ ग्राम प्रोटिन, ८५ क्रलोरी, ६.५ ग्राम फाइबर
भिटामिन ए र सीको राम्रो स्रोत मानिने ब्रोकलीमा बीटा केरोटिन, जिंक, सेलेनियम प्रचुर मात्रमा हुन्छ जसले रोग प्रतिरोधात्मक क्षमता बढाउँछ।
भिंडी
२५० ग्राम= ५ ग्राम प्रोटिन, ८० क्यालोरी, ८ ग्राम फाइबर
भिटामिन बी कम्प्लेक्स र सीको राम्रो स्रोत मानिने भिंडीमा रहेको फाइबरले बाउल मुभमेन्ट दुरुस्त राख्छ।
मटर
२५० ग्राम= ७ ग्राम प्रोटिन, १०५ क्यालोरी, ६.५ ग्राम फाइबर
मटरमा पोटाशियम र म्याग्नीशियम प्रशस्त मात्रामा हुन्छ। यी दुवै खनिज शरीरको लागि निकै आवश्यक हुन्छ। यसमा भिटामिन सी को पर्याप्त मात्रा हुन्छ।
