काठमाडौँ – उर्जा, जलस्रोत तथा सिचाई मन्त्री बर्षमान पुन पूर्व सभामुख कृष्णबहादुर महरालाई भेट्न पुगेका छन्। पुन महरालाई भेट्न रोल्पास्थित महराकै घरमा पुगेका हुन्।
केही कार्यक्रमका लागि मन्त्री पुन रोल्पा पुगेको र त्यसक्रममा मंगलबार बिहान महरा निवासमा पुगेर पूर्व सभामुखलाई भेटेका थिए। भेटको क्रममा दुई बीच पछिल्लो राजनीतिक घटनाक्रम बारे कुराकानी भएको बताइएको छ।
बिहान ८ बजे महरा निवासमा पुगेका मन्त्री पुन करिब एक घण्टा बसेर फर्किएको महराका छोरा राहुल महराले बताए। पछिल्लो केहि समय देखि पूर्व सभामुख कृष्णबहादुर महरा रोल्पा नगरपालिकाको मेवाङ बस्दै आएका छन्।
