काठमाडौँ – पछिल्लो २४ घण्टामा नेपालमा १ हजार भन्दा बढीमा कोरोना सङ्क्रमण पुष्टि भएको छ । देशभर रहेका विभिन्न प्रयोगशालामा गरिएको परीक्षणबाट आज १ हजार भन्दा बढीमा कोरोना भाइरस संक्रमणको पुष्टि भएको हो।
स्वास्थ्य तथा जनसंख्या मन्त्रालयको नियमित प्रेस ब्रिफिङमा क्रममा प्रवक्ता डा. जागेश्वर गौतमले देश भर १ हजार १ सय ७० जनामा कोरोना भाइरस संक्रमणको पुष्टि भएको जानकारी दिए। योसँगै नेपालमा कोरोना भाइरसबाट सङ्क्रमितको सङ्ख्या ५५ हजार ३२९ पुगेको छ ।
पछिल्लो २४ घण्टामा ८ सय ७९ जना कोराना मुक्त भई डिस्चार्ज भएका छन् । जससँगै नेपालमा कोरोना मुक्त हुनेको संख्या ३९ हजार ५७६ पुगेको छ।
अब नेपालमा १५ हजार ३९३ जना सक्रिय सङ्क्रमित आइसाेलेशनमा रहेका छन् । यस्तै मृतक थप १५ जनामा कोरोना पुष्टि भएको छ। यो संख्या अहिले सम्मकै उच्च हो । हालसम्म ३६० कोरोना संक्रमितको ज्यान गइसकेको छ। पछिल्लो २४ घण्टामा १० हजार ८७८ जनाको पिसिआर परीक्षण गरिएको हो।
उपत्यकामा ५ सय भन्दा बढी कोरोना संक्रमित
पछिल्लो २४ घण्टामा ५ सय १२ जना संक्रमित फेला परेका छन्। जस मध्ये ४ सय ४० जना काठमाडौँमा भेटिएका हुन् भने ललितपुर र भक्तपुरमा क्रमश २९ र ४३ जना फेला परेका हुन्।
अन्य जिल्लामा कति ? हेर्नुहोस् विवरण –
