काठमाडौँ – पछिल्लो २४ घण्टामा नेपालमा १ हजार भन्दा बढीमा कोरोना सङ्क्रमण पुष्टि भएको छ । देशभर रहेका विभिन्न प्रयोगशालामा गरिएको परीक्षणबाट आज १ हजार भन्दा बढीमा कोरोना भाइरस संक्रमणको पुष्टि भएको हो।
बिहिबार देशभर १ हजार ४ सय ९७ जनामा कोरोना संक्रमण पुष्टि भएको छ।
स्वास्थ्य तथा जनसंख्या मन्त्रालयको नियमित प्रेस ब्रिफिङमा क्रममा प्रवक्ता डा. जागेश्वर गौतमले देश भर १ हजार ४ सय ९७ जनामा कोरोना भाइरस संक्रमणको पुष्टि भएको जानकारी दिए। योसँगै देशभर हालसम्म संक्रमित हुनेको संख्या ६९ हजार ३ सय ०१ पुगेको छ।
पछिल्लो २४ घण्टामा ११ हजार ४ सय ४९ जनाको पिसिआर परीक्षण भएको छ। योसंगै, हालसम्म ९ लाख ५५ हजार ९ सय २३ को पिसिआर परीक्षण भएको छ।
पछिल्लो २४ घण्टामा ४ सय ५७ जना कोरोनाबाट निको भएर जना डिस्चार्ज भएका छन्। यससंगै हालसम्म निको हुनेको संख्या ५० हजार ४ सय ११ पुगेको छ। अहिलेसम्म देशभर सक्रिय संक्रमितको संख्या १८ हजार ४ सय ३७ छ। यस्तै ६ हजार ५ सय ६५ जना क्वारेन्टिनमा छन्।
त्यस्तै, पछिल्लो २४ घण्टामा मुलुकभर थप १७ जनाको ज्यान गएसँगै हालसम्म कोरोना संक्रमणको कारण मृ-त्यु हुनेको संख्या ४५३ पुगेको छ।
