काठमाडौँ – आज उपत्यकाका विभिन्न स्थानमा विद्युत कटौती हुने भएको छ। ललितपुर जिल्लाका ५ फिडरमा लोड स्थानान्तरण गरिनुपर्ने भएकाले ललितपुरका विभिन्न ठाउँमा विद्युत कटौती हुने भएको हो।
ललितपुरका ५ फिडरमा लोड तथा परिर्वतन गर्नुपर्ने भएकाले दिउँसो १२ बजेदेखि १ बजेसम्म बिजुली कटौती गर्न लागिएको नेपाल विद्युत प्राधिकरण लगनखेल वितरण केन्द्रले जनाएको छ। सो बारे जानकारी गराउन प्राधिकरणले एक सूचना पनि सार्वजनिक गराएको छ।
प्राधिकरणका अनुसार विद्युत कटौती हुने क्षेत्रहरुमा गोदावरी फिडर, हरिसिद्धि फिडर, इमाडोल–२ फिडर, इमाडोल–३ फिडर र लुभु फिडरमा लोड परिर्वतन गर्ने केन्द्रले जनाएको छ । हरिसिद्धि, गोदावरी, हात्तिवन, सरस्वतीटार, ग्वार्को, टिकाथली, लुभु, लामाटार लगायत छन्।
