बिहिबार देशभर १ हजार ९ सय ११ जनामा कोरोना संक्रमण पुष्टि भएको छ।
स्वास्थ्य तथा जनसंख्या मन्त्रालयको नियमित प्रेस ब्रिफिङमा क्रममा प्रवक्ता डा. जागेश्वर गौतमले देश भर १ हजार ९ सय ११ जनामा कोरोना भाइरस संक्रमणको पुष्टि भएको जानकारी दिए। योसँगै देशभर हालसम्म संक्रमित हुनेको संख्या ७९ हजार ७ सय २८ पुगेको छ।
पछिल्लो २४ घण्टामा १२ हजार ४ सय ४४ जनाको पिसिआर परीक्षण भएको छ।
पछिल्लो २४ घण्टामा ९ सय ६१ जना कोरोनाबाट निको भएर जना डिस्चार्ज भएका छन्। यससंगै हालसम्म निको हुनेको संख्या ५७ हजार ३ सय ८९ पुगेको छ। अहिलेसम्म देशभर सक्रिय संक्रमितको संख्या २१ हजार ८ सय ३० छ। यस्तै ५ हजार ७७ जना क्वारेन्टिनमा छन्।
त्यस्तै, पछिल्लो २४ घण्टामा मुलुकभर थप ११ जनाको ज्यान गएसँगै हालसम्म कोरोना संक्रमणको कारण मृ-त्यु हुनेको संख्या ५०९ पुगेको छ।
