च्याम्पियन्स लिग ड्र: बार्सिलोना र बार्यन बीच फेरी भिडन्त हुने सम्भावना !

बुधवार छनोट खेलहरूको अन्तिम चरण पछि च्याम्पियन्स लिग समूह चरणको लागि सबै टोलीको टुङ्गो लागेको छ। जससँगै, २०२०-२१ सिजनको समूह चरणको लागि ड्र आज राति नेपाली समय अनुसार ९:४५ मा हुँदैछ।

कसरी हुन्छ त ड्र

छनोट भएका ३२ वटै टोलीहरुलाई ४ पटमा विभाजन गरिनेछ। पट १ मा गत सिजनको विजेता, युरोपा लिगको विजेता र छ उच्च-स्थानमा रहेका राष्ट्रहरूका चैम्पियनहरू समावेश हुनेछन्। त्यस्तै, पट २, ३ र ४ भने यूइएफए क्लब गुणांक श्रेणीकरण द्वारा निर्धारित गरिन्छ।

कुन पटमा कुन-कुन क्लब छन् त

पट १: बार्यन म्युनिख, सेभिल्ला, रियल म्याड्रिड, लिभरपुल, यूभेंटस, पिएसजी, जेनिथ सेन्ट पिटर्सबर्ग र पोर्टो

पट २: बार्सिलोना, एथ्लेटिको म्याड्रिड, म्यानचेस्टर सिटी, म्यानचेस्टर युनाईटेड, चेल्सी, बोरुसिया डर्टमण्ड, साक्टर डोनेस्क र आज्याक्स

पट ३: डाइनामो किभ, साल्सबर्ग, आरबी लाइपजिग, इन्टर मिलान, ओलम्पियाकोस, लाजिओ, क्रासनोडर र इटालान्टा

पट ४: लोकोमोटिभ मस्को, मार्सेल, क्लब ब्रुज, बोरुसिया मोन्चेनग्लादब, इस्तानबुल बासाकेहिर, मिट्जील्याण्ड, रेन्ने र फेरेन्कभारोस

बार्यन म्युनिख र बार्सिलोना एउटै समूहमा पर्न सक्ने  

गत सिजन अन्तिम ८ मा एक अर्कासँग भिडेका बार्यन म्युनिख र बार्सिलोना यो सिजन एउटै समूहमा पर्ने सम्भावना रहेको छ। बार्यन म्युनिख पट १ मा रहनेछ भने बार्सिलोना पट २ मा हुनेछ।

यस्तै, यूइएफए को नियम अनुसार एकै देशका दुई क्लब एउटा समूह ड्र हुँदैनन्, जस्तै: बार्सिलोना र रियल म्याड्रिड वा एथलेटिको म्याड्रिड जुन पटमा भएपनि एउटै समूहमा ड्र हुँदैनन्। तर बार्यन म्युनिख र बार्सिलोनाको लागि यो नियम पनि लागू हुँदैन। त्यसले, यी दुई टोली एकै समूहमा पर्ने सम्भावना रहेको छ।

गत सिजन बार्यान म्युनिखले बार्सिलोनालाई ८-२ को फराकिलो अन्तरले पराजित गरेको थियो।

समूह चरणका खेल तालिका 

म्याचडे एक: २०/२१ अक्टोबर

म्याचडे दुई: २७/२८ अक्टुबर

म्याचडे तीन: ३/4 नोभेम्बर

म्याचडे चार: २४/२५ नोभेम्बर

म्याचडे पाँच: १/२ डिसेम्बर

म्याचडे छ: ८/९  डिसेम्बर