पोर्चुगल र बार्सिलोनाका फरवार्ड फ्रान्सिस्को ट्रिन्काओले क्रिस्टियानो रोनाल्डो र लियोनेल मेस्सी बीच एकलाई विश्वको सर्वश्रेष्ठ खेलाडीका रूपमा छनौट गर्न असम्भव रहेको बताएका छन्। उनी पोर्चुगलको राष्ट्रिय टोलीको लागि क्रिस्टियानो रोनाल्डोसँग खेल्छन् भने क्लब स्तरमा यहि सिजनबाट बार्सिलोना आएका उनी मेस्सीसँग खेल्छन्।
बुधबारको मैत्रीपूर्ण खेलमा स्पेनको साथ गोल रहित बराबरी पछिको पोस्ट-म्याचमा ट्रिन्काओलाई यी दुई सुपरस्टार जोडीको बारेमा सोधिएको थियो। “दुबै [रोनाल्डो र मेस्सी] सँग खेल्न सक्षम भएकोमा म अत्यन्त गर्व महसुस गर्छु,” २० वर्षीय ट्रिन्काओले भने। “यी दुई बीच को उत्कृष्ट भन्न असम्भव छ।” उनले बताए।
विश्व फुटबल जगतमा गत दशक एक क्षत्र राज गरेका क्रिस्टियानो रोनाल्डो र लियोनेल मेस्सी को उत्कृष्ट भन्ने चर्चा प्राय: चलिरहन्छ। यी दुई खेलाडीले पछिल्लो १२ वर्षमा ११ ब्यालुन डी’ ओर जितेका छन्।
